Fimmtudaginn 10. janúar kl. 19 verður kynning á reiðnámskeiðum fyrir börn/unglinga í hestamannafélaginu Sleipni veturinn 2019. Fundurinn verður haldinn í félagsheimili hestamanna, Hliðskjálf. Áhugasamir eru hvattir til að mæta og kynna sér þau námskeið sem í boði verða og ganga frá skráningum. Ath. að námskeið þessi krefjast þess að þátttakendur komi með eigin hest.

Námskeiðin hefjast 29. janúar.

Æskulýðsnefnd Sleipnis

Nú í svartasta skammdeginu, rigningu og sudda eru dökkir hestar og dökklæddir reiðmenn svo til ósýnilegir ökumönnum. Hefur nokkrum sinnum legið við slysum í hverfinu af þeim sökum á liðnum vikum. Það er því nauðsynlegt að bera endurskinsmerki, bæði fyrir knapa og hross í ljósaskiptunum eða myrkri sem tryggir að akandi vegfarendur sjái til reiðmanna / hesta. Ef knapi dettur af baki getur hann misst hestinn frá sér og hann stefnt út í umferð með ófyrirársjáanlegum afleiðingum. Þess vegna þarf hesturinn líka að bera endurskin. Þau endurskinsmerki sem talin eru best fyrir hrossið eru endurskinsborðar sem hafðir eru neðarlega á fótum þess. Endurskin fyrir knapa eru m.a. endurskinsvesti og endurskinsmerki sem fest eru á ístöð, í tagl, stígvél og hjálma.

Stjórnin.

View the embedded image gallery online at:
http://www.sleipnir.is/index.php?start=16#sigProIda5286750b2

Starfið er hafið hjá Fræðslunefnd Sleipnis í vetur og það er greinilegt að hestamenn vilja byrja fyrr en áður fyrr. Þeim námskeiðum sem er lokið eru Sætisæfinganámskeið sem Ragnhildur Haraldsdóttir reiðkennari hélt og voru þátttakendur ánægðir með það námskeið. Það var öðruvísi en hin hefðbundnu einkatímanámskeið sem oftast er boðið uppá. Knapamerki 1 hefur verið í gangi í haust og tókst vel þó þátttakan hefði mátt vera betri. Það námskeið var undir stjórn Maiju Varis reiðkennara og er það von okkar að hægt verði að halda Knapamerki 2 eftir áramót og þá um leið að bjóða uppá stöðupróf í Knapamerki 1.

Read more: Vetrarstarf hafið hjá Fræðslunefnd

Einkatímar á miðvikudögum í vetur.
Eins og fyrri ár verður boðið uppá reiðkennslu í formi einkatíma á miðvikudagskvöldum í vetur. Kennarar í ár eru Bergur Jónsson og Maiju Varis. Þau kenna annan hvern miðvikudag og verður hver tími 45 mín í senn. Hver og einn stjórnar því hvaða atriði skal vinna í í samráði við kennara.
Skráning fer fram á https://skraning.sportfengur.com/SkraningNamskkort.aspx?mode=add og hefst kennsla hjá Bergi 23. janúar og hjá Maiju 30. janúar. Verð er kr. 45.000. Kvittun fyrir greiðslu skal senda á fraedslunefnd2018@gmail.com

Fræðslunefnd

Ólafur Andri Guðmundsson reiðkennari ætlar að heimsækja Sleipnisfélaga og nærsveitunga fimmtudaginn 22. nóvember kl. 20. Ólafur Andri er Sleipnisfélögum góðu kunnugur en hann heimsótti okkur einnig fyrir árisíðan og var með sýnikennslu sem áhorfendur létu vel af. Það er því tilvalið að skella sér í reiðhöllina að Brávöllum og eiga góða kvöldstund með Ólafi og öðrum því eins og máltækið segir: Maður er manns gaman, ekki verra ef hestur er með.
Inngangseyrir er kr. 500 við innganginn (ekki posi) og heitt verður á könnunni.

Hlökkum til að sjá ykkur sem flest.
Fræðslunefnd Sleipnis

Reiðveganefnd situr ekki auðum höndum frekar en endranær:
Reiðvegagerð á félagssvæði Sleipnis í síðustu viku.
Mulningur borinn í með Votmúlavegi.
Kláraður reiðvegur með malbikinu upp að Oddgeirshólum
Lagður reiðvegur  með Skeiðavegi.

Þessir reiðvegir eru einnig ætlaðir göngufólki. Fólk virði þarfir hvers annars, bjóði góðan dag og óski hvert öðru velfarnaðar.

View the embedded image gallery online at:
http://www.sleipnir.is/index.php?start=16#sigProIdada7c40964

Fræðsluhefnd Sleipnis býður félagsmönnum uppá námskeið með Ragnhildi Haraldsdóttur reiðkennara. Námskeiðið er haldið að Vallartröð 9 og verða hestar á staðnum.
Námskeiðið er sætisæfinganámskeið þar sem farið verður yfir ásetu hvers og eins nemanda og unnið í helstu vandamálum hvers og eins. Hver og einn vinnur í hringtaum ásamt kennara í 30 mín í einu og kennt verður laugardag og sunnudag, 1 tími á mann hvorn dag. Gott er fyrir þátttakendur að horfa á aðra en ekki nauðsynlegt. Til að við náum að þjálfa hestinn okkar sem best er nauðsynlegt að við séum í sem bestu jafnvægi og líkamsstöðu á baki hestsins til að geta gefið honum rétta ábendingar með likamsbeitingu okkar.
Í boði eru 6 pláss og verður kennt helgina 17. – 18. nóvember næstkomandi, laugardag kl. 10 – 13 og sunnudag kl. 13 - 16. Verð kr. 8000 og skráning fer fram á http://skraning.sportfengur.com/SkraningNamskkort.aspx?mode=add
Kær kveðja,
Fræðslunefnd Sleipnis

More Articles ...

Page 3 of 160

22 Feb, 2019

Skráning í Sleipni

hnappur skrafelagid

Sækja um WF

hnappur WFadgangur

Fréttabréf Sleipnis

hnappur frettabref

Á döfinni í reiðhöll


Febrúar
23Feb Lau 10:00 - 14:00 Námskeið Æskulýðsnefnd 
25Feb Mán 8:15 - 10:10 Frátekin v. hestabraut FSU 
25Feb Mán 17:00 - 21:00 Reiðnámskeið Æskulýðsnefndar 

Styrktaraðilar

Innskráning ritstjóra



Hverjir eru tengdir

We have 348 guests and no members online

Flettingar á síðu

Users
4
Articles
1574
Articles View Hits
2597208