Í ljósi aðstæðna, mikillar ísingar og hálku á keppnisvöllum Brávalla / Brávöllum sem og slæmrar veðurspár fram yfir helgi hefur verið tekin sú ákvörðun að fresta 1.vetrarmóti sem áætlað var nú um helgina um allavega eina viku. Tökum stöðuna í byrjun næstu viku

Vetrarmótsnefnd

Félagsfundur um málefni félagsins verður haldinn 8. febrúar kl. 20 í Hliðskjálf að loknum framkvæmdum sem standa yfir í eldhúsi.

Við hvetjum alla félagsmenn til að mæta og koma skoðunum sínum á framfæri. 

Stjórn Sleipnis

Vorfjarnám 1. 2. og 3. stigs ÍSÍ hefst mánudaginn 6. feb. nk. og tekur það átta vikur á 1. stigi en fimm vikur á 2. og 3. stigi. Námið er almennur hluti menntakerfisins og gildir jafnt fyrir allar íþróttagreinar. Sérgreinaþátt þjálfaramenntunarinnar sækja þjálfarar hjá viðkomandi sérsambandi ÍSÍ hverju sinni.

Skráning fer fram á sportabler:

https://www.sportabler.com/shop/isi

Nemendur velja rétt námskeið og ganga frá greiðslu námskeiðsgjaldsins í heimabanka. Þeir sem ekki hafa skráð sig áður í Sportabler þurfa að búa til nýjan aðgang undir „Nýr notandi“.

Allar nánari uppl. um fjarnámið og þjálfaramenntun ÍSÍ gefur Viðar Sigurjónsson í síma 4601467 & 863-1399 og/eða á vidar@isi.is

Read more: Þjálfaramenntun 1. 2. og 3. stigs vorönn 2023.

Sirkus helgarnámskeið verður haldið í reiðhöll Sleipnis á Selfossi helgina 18.-19. febrúar 2023. Kennari á námskeiðinu er Ragnheiður Þorvaldsdóttir. Námskeiðið samanstendur af 5 tímum í heildina, 1 bóklegum og 4 verklegum. Lágmarksþátttaka á námskeiðið er 8 manns, hámarksfjöldi er 12. Félagið áskilur sér rétt til að fella niður námskeiðið í heild sinni ef lágmarksþáttöku er ekki náð. Þriðji hópurinn (þátttakendur 9-12 sem skrá sig) er sömuleiðis háður því að það náist að fylla í hópinn.

Hér gildir því fyrstur kemur fyrstur fær og ganga verður frá greiðslu fyrir námskeiðið til að tryggja sér sæti. Ef námskeiðið verður fellt niður, verður námskeiðsgjaldið að sjálfsögðu endurgreitt.

Stutt lýsing: Laugardagur: 7 games eftir Pat Parelli. Sunnudagur: Smellu þjálfun, brellu þjálfun og umhverfis þjálfun. Unnið er eingöngu með hestinn í hendi.
Útbúnaður sem þarf er snúrumúll og langur mjúkur kaðaltaumur. Smella sem fæst í helstu gæludýrabúðum og Líflandi. Aldurstakmark 12 ára.
Skemmtilegt námskeið til að nálgast hestamennskuna á annan hátt. Ragnheiður leggur mikið upp úr fjölbreitni í þjálfun og að gleyma ekki afhverju við erum öll í hestamennsku, JÚ AF ÞVÍ AÐ ÞAÐ ER SVO GAMAN.

Skráning fer fram í Sportfeng (velja Ísland sem Land og Sleipnir sem Aðildarfélag:  https://sportfengur.com/#/skraning/namskeidshaldari

Fræðslunefnd

Fræðslunefnd Sleipnis stendur fyrir járninganámskeiði í samstarfi við Sigurð Torfa Sigurðsson járningameistara. Verklegur hluti námskeiðsins mun fara fram í Halakoti dagana 11. - 12. febrúar en bóklegur hluti þess fer fram að kvöldi til vikuna á undan (nánari tímasetning kemur síðar). Verðið verður á bilinu 25-32 þúsund eftir því hve marga þátttakendur við fáum en forskráning fer fram í gegnum þetta form:  HÉR

Upplýsingar um greiðslu verða svo sendar í tölvupósti til þátttakenda þegar skráningu er lokið og verðið staðfest.

Lýsing á námskeiði:

Read more: Járninganámskeið með Sigurði Torfa Sigurðssyni járningameistara

Við höfum ekki farið varhluta af fannferginu á Selfossi og margir í vandræðum með að komast í hesthús og að ná inn rúllum.

Sveitarfélagið vinnur snjómokstur eftir forgangskerfi, opnar fyrst stofnbrautir og leiðir úr húsahverfum, að leikskólum o.s.frv.

Reiðvegir koma á eftir göngustígum en ekki hefur gefist tími til að moka þá enn í vetur þar sem kraftur hefur farið í að moka snjó sem safnast fyrir og flytja í burtu. Moksturstæki fara fyrst eina ferð í hverja götu hverfisins til að opna eftir hvert veðuráhlaup. Næst þegar kemur að okkur er snjórinn hreinsaður betur frá húsunum eins og gert var eftir fyrra áhlaupið. 

Til að minnka líkur á að lenda í vandræðum með hey þarf að sæta lagi þegar náðst hefur að moka götur í hverfinu og hreinsa frá húsgöflum.

Ef gleymist að moka inn einhverja götu er best að senda ábendingu til þjónustumiðstöðvar í gegnum ábendingagátt Árborgar en ábendingar sem berast eru flokkaðar og rata á réttan stað til úrvinnslu. Reyndar á þetta við um allar ábendingar til sveitarfélagsins um það sem betur mætti fara og það sem vel er gert.

Lífshlaupið er heilsu- og hvatningarverkefni Íþrótta- og Ólympíusambands Íslands sem höfðar til allra landsmanna. Markmið þess er að hvetja landsmenn til þess að fara eftir ráðleggingum Embættis landlæknis um hreyfingu hvort sem er í frítíma, vinnu, skóla eða við val á ferðamáta. Í ráðleggingunum segir að börn og unglingar þurfi að hreyfa sig minnst 60 mínútur daglega og fullorðnir þurfi að stunda miðlungserfiða hreyfingu í minnst 30 mínútur daglega.Nú sem aldrei fyrr er mikilvægt að huga að eigin heilsu með því að stunda reglubundna hreyfingu. Flestir vita hver ávinningur þess að hreyfa sig reglulega getur verið en hér er smá áminning.
Reglubundin hreyfing stuðlar að bættum svefni, bættum lífsgæðum, dregur úr líkum á ýmsum sjúkdómum og styrkir hjarta- og æðakerfiðLífshlaupið skiptist í fjóra keppnisflokka:

• Vinnustaðakeppni frá 1. febrúar – 21. febrúar, fyrir 16 ára og eldri 
• Framhaldsskólakeppni frá 1. febrúar – 14. febrúar, fyrir 16 ára og eldri 
• Grunnskólakeppni frá 1. febrúar – 14. febrúar, fyrir 15 ára og yngri 
• Einstaklingskeppni þar sem hver og einn getur skráð inn sína hreyfingu allt árið

  Read more: Skráning í Lífshlaupið hefst 18. janúar nk.