Í dag var alþjóðlegur dagur sjálfboðaliðans og af því tilefni hefur mennta- og barnamálaráðuneytið ýtt úr vör átaki þar sem vakin er athygli á framlagi sjálfboðaliða hjá Íþrótta- og félagasamtökum. Átakið heitir Alveg sjálfsagt og hafa auglýsingar undir því slagorði verið sýnilegar á miðlum síðustu daga. 

Hér fyrir neðan er tengill á frétt sem birtist á heimasíðu ÍSÍ í tilefni dagsins.

https://isi.is/frettir/frett/2022/12/05/Til-hamingju-med-daginn-sjalfbodalidar/

Yfir 100 manns mættu á aðventusýnikennslu Gangmyllunnar í Syðri-Gegnishólum í gærkvöldi þar sem við fengum að fylgjast með starfsfólki Gangmyllunnar að störfum við tamningar og þjálfun hrossa á mismunandi stigi. Heitu súkkulaði og kaffi var dælt í mannskapinn til að halda smá hita í hópnum en fólk mætti vel búið og lét ekki kuldann aftra sér frá því að nýta þetta frábæra tækifæri til að fræðast og eiga saman stund í góðum hópi hestamanna. Fræðslunefnd Sleipnis þakkar þeim Olil Amble, Bergi Jónssyni og öðru starfsfólki Gangmyllunar kærlega fyrir þeirra framlag og höfðinglegar móttökur en það er vert að taka það fram að þau gáfu alla vinnu sína sem og aðgang að aðstöðu sinni, svo að aðgangseyrir kvöldsins rann óskiptur til Hestamannafélagsins Sleipnis. Að auki þökkum við Mjólkursamsölunni, Olís og Nettó sem styrktu okkur um veitingar, og Ólafi Inga Ólafssyni sem sá um að flytja fyrir okkur áhorfendastúkurnar sem munaði heilmikið um.

• Aðventusýnikennsla að Gegnishólum
• Aðventusýnikennsla Gegnishólar
•  

Miðvikudaginn 30. nóvember kl 20.00 mun Elín Huld Kjartansdóttir halda fyrirlestur um sjúkraþjálfun hrossa og grunn í líffræði. Fyrirlesturinn mun fara fram í Hlíðskjálfi, félagsheimili Sleipnis á Selfossi. Í fyrirlestrinum verður m.a. farið yfir fyrirbyggjandi meðferðir og hvað eigandi getur gert til að flýta fyrir bata. Elín Huld útskrifaðist árið 2017 frá Center for Dyreterapi í sjúkraþjálfun og endurhæfingu fyrir hross.  Áætlaður tími fyrirlesturins er um 1 klst. og aðgangur er ókeypis. Stefnt er á að halda námskeið tengt efninu síðar í vetur ef áhugi er til staðar.

Að loknum fyrirlestri Elínar Huldar mun fræðslunefndin kynna drög að dagskrá vetrarins sem er óðum að taka á sig mynd!

Landsliðs- og afreksnefnd LH býður unglingum í á vegum hestamannafélaga sérstakt tilboðsverð á aðgöngumiða á „Leiðina að gullinu“ menntadagi landsliðsins.

Unglingum á aldrinum 13-17 ára býðst miðinn á 3.000 kr. ef keypt er í gegnum hestamannafélögin í forsölu.

Frítt er fyrir 12 ára og yngri.

Mig langar til að biðja stjórnir félaganna um að hafa milligöngu um pantanir, auglýsa þetta á meðal ykkar félaga, senda okkur nafnalista og þeir sem eru á listanum fá miða í miðasölunni í TM-reiðhöllini á sérstöku tilboðsverði.

Vinsamlegast sendið okkur nafnlista unglinga fyrir kl. 16.00 á morgun föstudag.

Sjá allt um viðburðinn hér:

https://www.lhhestar.is/is/frettir/leidin-ad-gullinu-dagskra

Markmið Hæfileikamótunar er að:
* Fjölga þeim ungu knöpum sem fylgst er með á landsvísu
* Undirbúa unga knapa fyrir hefðbundin landsliðsverkefni
* Byggja upp til framtíðar knapa í fremstu röð
* Stuðla að uppbyggilegu afreksstarfi víðsvegar um landið

Knaparnir okkar  eru:
Sleipnir, Svandís Aitken Sævarsdóttir
Sleipnir, Viktor Óli Helgason
Sleipnir, Elsa Kristín Grétarsdóttir

https://www.lhhestar.is/is/frettir/haefileikamotun-lh-2022-2023?fbclid=IwAR0AOZgaOyAx5kNfFN-6FPULiup8kjTnyiwZ1WiX_Mop4VCquqYpUA0-NiQ

Fræðslunefnd Sleipnis og Ræktunarbú ársins 2022 standa fyrir aðventusýnikennslu  13. desember. Ekki láta þig vanta!

Þriðjudagskvöldið 13. desember n.k. mun ræktunar- og keppnishestabú ársins 2022, Gangmyllan - Ketilsstaðir / Syðri-Gegnishólar, bjóða til sýnikennslu í tamningum og þjálfun hesta á mismunandi stigum. Sýnikennslan fer fram í glæsilegri aðstöðu Gangmyllunnar að Syðri-Gegnishólum og hefst kl. 20:00. Aðgangseyrir er kr. 2000 sem rennur óskiptur til styrktar Hestamannafélagsins Sleipnis. Á staðnum verður boðið upp á heitt súkkulaði og piparkökur og saman ætlum við að mynda skemmtilega aðventustemmningu á sama tíma og við fáum að njóta fræðandi kennslu eigenda og starfsfólks Gangmyllunnar. Þau Olil og Bergur hafa í gegnum árin mótað sínar eigin aðferðir í frumtamningum og þjálfun ungra hesta og munu þetta kvöld gefa okkur innsýn inn í vinnubrögð sín og aðferðafræði við þessi mikilvægu fyrstu skref í mótun hestsins. Fræðslunefnd Sleipnis þakkar kærlega fyrir þetta frábæra framlag Gangmyllunnar til fræðslustarfs í Sleipni og vonar að hestafólk á svæðinu láti þetta tækifæri ekki framhjá sér fara.

Fræðslunefnd Sleipnis

https://www.facebook.com/events/685298356626009/?ref=newsfeed