Fjórðu og síðustu skeiðleikar Baldvins og Þorvaldar og Skeiðfélagsins fóru fram á Brávöllum á Selfossi í dag, mánudaginn 29.ágúst. Veðuraðstæður voru með ágætum og prýðistímar náðust í öllum vegalengdum.

Þetta tímabil markar ákveðin tímamót fyrir Skeiðfélagið þar sem þetta var tíunda keppnistímabilið í röð sem haldið er eftir að Skeiðfélagið var vakið úr dvala sem það hafði legið í frá árinu 2009. Sumir af núverandi Skeiðfélagsmeðlimum hafa verið með frá upphafi og lagt sitt af mörkum við að halda heiðri skeiðkappreiða á lofti.

Hans Þór Hilmarsson er stigahæsti knapi sumarsins og hlaut hann því 100.000 króna gjafaúttekt í verslun Baldvins og Þorvaldar. En þau Guðmundur Árnason og Ragna Gunnarsdóttir í Baldvin og Þorvaldi hafa staðið ríkulega við bakið á Skeiðfélaginu síðastliðin ár og styrkt um öll verðlaun. Auk þess fékk Hans Þór til varðveislu farandbikarinn Öderinn sem gefinn er af Gunnari Arnarssyni og Kristbjörgu Eyvindsdóttur til minningar um Einar Öder Magnússon. 

Í 250 metra skeiði var það Konráð Valur Sveinsson sem fór með sigur af hólmi á Kastori frá Garðshorni á Þelamörk á tímanum 22,23 sekúndum. Hann sigraði þá einnig keppni í 150 metra skeiði á Kjarki frá Árbæjarhjáleigu II á tímanum 14,15 sekúndum sem er næstbesti tími ársins í þeirri vegalengd. Í 100 metra skeiði var það hinsvegar Teitur Árnason sem var hlutskarpastur á Drottningu frá Hömrum II á tímanum 7,34 sekúndum sem er næstbesti tíminn í þeirri vegalengd í ár.

Á myndunum sem fylgja má sjá þrjá efstu knapa kvöldsins í hverri keppnisgrein auk Hans Þórs Hilmarssonar heildarsigurvegara. Með þeim á myndunum er Ragna Gunnarsdóttir frá Baldvin og Þorvaldi.

Heildarúrslit skeiðleika kvöldsins má nálgast hér fyrir neðan.

Read more: Fjórðu og síðustu skeiðleikar 2022

Síðsumarsreiðtúr 

Laugardaginn 27. ágúst verður síðsumarsreið Sleipnis. Farinn verður 25-30 km hringur, upphaf og lok við Reiðhöllina. Nánari upplýsingar þegar nær dregur t.d varðandi þáttöku, hressingu og fleira. 

Takið daginn frá 🐎 ferðanefndin

Fjórðu og síðustu Skeiðleikar Baldvins og Þorvaldar og Skeiðfélagsins fara fram mánudaginn 29.ágúst og hefjast þeir klukkan 18:00. 
Skráning fer fram á Sportfeng og lýkur henni laugardaginn 27.ágúst. 

Styrktaraðili Skeiðleikanna í ár – hestavöruverslunin Baldvin og Þorvaldur styrkir um verðlaunagripi sumarsins auk þess að stigahæsti knapi ársins hlýtur 100.000 króna úttekt í versluninni. Þá fær stigahæsti knapi ársins einnig til varðveislu í eitt ár farandgripinn Öderinn sem Gunnar og Kristbjörg Eyvindsdóttir gáfu til minningar um Einar Öder Magnússon. 

Dagskrá :
• 250 metra skeið 
• 150 metra skeið 
• 100 metra flugskeið 

Skeiðfélagið

Vegna kynbótasýninga á Brávöllum 25. - 29.júlí og Unglingalandsmóts UMFÍ 30. júlí. –

REIÐHÖLLIN verður lokuð frá 24. júlí og þar til sýningum líkur 29. júlí –

KYNBÓTA- OG SKEIÐBRAUTIN er lokuð frá 24. júlí og þar til sýningum líkur föstudaginn 29. júlí.

HRINGVELLIRNIR eru lokaðir fram á kvöld meðan á kynbórasýningum stendur frá 25. - 29. júlí, en opnir fyrir keppendur á UMFÍ mótinu

til æfinga að sýningum loknum.

-ALLIR VELLIR Á BRÁVÖLLUM OG REIÐHÖLLIN-  er lokað laugardaginn 30. júlí þar til keppni á Unglingalandsmóti UMFÍ líkur.

-VIÐRUNARHÓLF Á BRÁVALLASVÆÐI- Óskað er eftir því að þau sé ekki notuð yfir daginn á meðan sýningum stendur frá 25.- 29. júlí

til að lágmarka truflun og velja frekar kvöldin að sýningum loknum til viðrunar.

Kynbótanefnd / Vallastóri / Stjórn

Endurmenntun Landbúnaðarháskóla Íslands ætlar að bjóða upp á nýtt og spennandi nám í Reiðmanninum sem er frumtamningar á unghrossum/tryppum.

Námið er haldið í samstarfi við hestamannafélagið Fák, og verður haldið í reiðhöllinni Víðidal.

Kennarar verða Ólafur Andri Guðmundsson og Haukur Bjarnason. Báðir reyndir reiðkennarar og tamningarmenn, og munu þeir kenna námið saman.

Einungis verða 20 pláss í náminu. Námið verður fjórar verklegar helgar, verklegar helgar eru frá föstudegi til sunnudags og hefst kennslan eftirmiðdag á föstudegi. Byrjað er á sýnikennslu og í framhaldinu er verkleg kennsla í litlum hópum. 4-5 verklegar kennslustundir hverja helgi.

Þátttakendur geta fengið dýralæknir til að gera tannheilbrigðisskoðun á sínum hesti gegn greiðslu.

Hægt að fá leigðar stíur á vægu gjaldi yfir námskeiðshelgarnar ef þörf er á því

Verð: 165.000 (hægt er að skipta námskeiðisgjaldi í þrjár greiðslur).

Verklegar helgar verða:

30 .sept – 2 .okt: Fyrirlestur með dýralækni um helstu sjúkdóma hrossa.
14-16. okt: Fyrirlestur um atferlisfræði hrossa. Hrefna Sigurjónsdóttir líffræðingur og prófessor við Háskóla Íslands.
4-6. nóv: Fyrirlestur um fóðurfræði. Einar Ásgeirsson
25-27. nóv: Fyrirlestur með reiðkennurunum um framhaldsþjálfun þar sem nemendur fá leiðsögn hvað tekur svo við.

<Skráning fer fram í í þessum link>