Sumarfjarnám 1. og 2. stigs ÍSÍ hefst mánudaginn 20. júní nk. og tekur það átta vikur á 1. stigi en fimm vikur á 2. stigi. Námið er almennur hluti menntakerfisins og gildir jafnt fyrir allar íþróttagreinar. Sérgreinaþátt þjálfaramenntunarinnar sækja þjálfarar hjá viðkomandi sérsambandi ÍSÍ hverju sinni.

Skráning fer fram á sportabler:

https://www.sportabler.com/shop/isi

Nemendur velja rétt námskeið og ganga frá greiðslu námskeiðsgjaldsins í heimabanka. Þeir sem ekki hafa skráð sig áður í Sportabler þurfa að búa til nýjan aðgang undir „Nýr notandi“.

Allar nánari uppl. um fjarnámið og þjálfaramenntun ÍSÍ gefur Viðar Sigurjónsson í síma 4601467 & 863-1399 og/eða á vidar@isi.is

Dæmi um svör frá nemendum í fjarnámi ÍSÍ þegar þeir voru spurðir út í helstu kosti námsins:

Read more: Þjálfaramenntun 1. og 2. stigs sumarönn 2022.

Mánudaginn 23. maí mun viðrunarhólfanefnd girða fleiri hólf sem verður úthlutað í kjölfarið. Eftirspurn er umfram framboð og er stefnan að girða fleiri hólf á nýja landinu þegar búið er að setja niður landamerkingar og girða. 

Vilt þú taka þátt í að skapa eftirminnilega umgjörð á stærsta hestaviðburði ársins ?

Landsmót hestamanna óskar eftir sjálfboðaliðum í ýmis störf fyrstu daga viðburðarins. Lagt er upp með að hver og einn skili fjórum 5 klst vöktum.

Þeir sem taka þátt í Landsmóti hestamanna fá: 
- Vikupassa á Landsmót hestamanna 2022
- Mat á sinni vakt
- Jakka merktan Landsmóti hestamanna 2022

Landsmót hestamanna hafa í áranna rás verið borin uppi af óeigingjörnu framlagi sjálfboðaliða úr hestamannafélögum landsins. Sami eldmóður og hugsjón einkenna starfið í dag og í upphafi og margir sjálfboðaliðar gefa vinnu sína ár eftir ár. Gífurlegur undirbúningur liggur að baki þess að skipuleggja Landsmót og til að mæta kröfum nútímans um aðbúnað. Við reisum heilt þorp fyrir allt að 15.000 manns. Þitt framlag er því gríðarlega mikilvægt og skiptir höfuðmáli til að gera umgjörð mótsins sem glæsilegasta.

Smellið hér og skráið ykkur sem sjálfboðaliða.

Fyrirkomulag vakta er enn í vinnslu og verða þeir sjálfboðaliðar sem skrá sig til leiks látnir vita af fyrirkomulaginu um leið og það er ákveðið.

Allar nánari upplýsingar um sjálfboðastarf á Landsmóti hestamanna 2022 má nálgast með því að smella hér.

Með kveðju,

Magnús Benediktsson
Framkvæmdarstjóri Landsmóts hestamanna

Ferðanefnd Sleipnis er annt um öryggi sinna félagsmanna og hefur boðið brokk.is að halda kynningu á Helite öryggisvestunum, sunnudaginn 22. maí milli klukkan 12-15. Í reiðhöllinni. 
Helite öryggisvestin eru ein besta vörn sem völ er á fyrir hestamenn. Innbyggður loftpúði blæs út ef knapi dettur af baki. Háls og bakmeiðsli eru því miður algeng hjá hestmönnum en þessi viðkvæmi hluti líkamans er vel varinn með hálspúða sem þenst út með vestinu á 0,01 sekúndu. Vestið vegur einungis 600 grömm og hefur engin áhrif á samband knapa og hests. Vestin uppfylla ströngustu öryggiskröfur og eru með CE vottun frá Evrópusambandinu. Kynntu þér málið á https://www.brokk.is/

Ferðanefnd

Gæðingamót Sleipnis, Ljúfs og Háfeta og úrtaka fyrir Landsmót 2022 fer fram dagana 4.-6. júní næstkomandi á Brávöllum á Selfossi. Skráning er hafin á www.sportfengur.com og stendur til og með sunnudeginum 29.maí.

Boðið er upp á tvær umferðir og verður fyrirkomulagið eftirfarandi:

Laugardagur 4.júní – Fyrri umferð í úrtöku í öllum greinum auk C-flokks og A-flokks Ungmenna.
Sunnudagur 5.júní – Seinni umferð í úrtöku.

Mánudagur 6.júní (Annar í Hvítasunnu) Úrslit í öllum greinum. Hæsta einkunn gildir til úrslita.

Skráningar:

Read more: Gæðinga og úrtökumót á Brávöllum

Hestafjör 2022 fer fram í Sleipnishöllinni á Uppstigningadag, 26.maí og hefst kl. 13