Á morgun, seinnipartinn frá kl. 18 fram eftir kvöldi verður vinna við keppnisvelli og brautir á Brávöllum vegna Skeiðleiga - Íþróttamótsins. Vallasvæðið verður því ekki hæft til æfinga meðan á vinnu stendur.
Vallarstjóri / Stjórn

Skeiðbrautin er nú lokuð fyrir allri notkun fram yfir skeiðleikana annað kvöld, 18.maí 2022.

Vallastjóri / Stjórn

WR mót Sleipnis

Til þeirra keppenda sem áhuga höfðu á að skrá á WR íþróttamót Sleipnis eftir að þátttakendafjölda var náð. Því miður er ekki hægt að verða við bón þeirra sem vildu taka þátt, búið er að greiða götu Sleipnisfélaga.

Ráslistar og dagskrá mótsins munu liggja fyrir annað kvöld. Allar afskráningar berist á motanefnd@sleipnir.is

Mótið hefst á miðvikudagskvöld klukkan 19:30 á Skeiðleikum Skeiðfélagsins

Með fyrirfram þökk

Mótanefnd Sleipnis

Kæru Sleipnis félagar,

á sunnudaginn mætum við galvösk við reiðhöllina kl. 13 og gerum svæðið okkar snyrtilegt fyrir kynbótasýningar og komandi stórmót. 

Ruslagámur verður við reiðhöllina og munum við afhenda ruslapoka þar, margar hendur vinna létt verk. 

Hlökkum til að sjá ykkur flest mæta og taka þátt í þessu árlega verkefni sem breytir ásýnd svæðisins.

Í lok dags hitum við grillið, borðum saman og gleðjumst yfir dagsverkinu við félagsheimilið. 

Síðustu daga hafa nokkrir af okkar vöskustu félagsmönnum unnið við lagfæringar á vellinum sem verður tilbúinn fyrir mótið í næstu viku.

Hér má sjá nokkrar myndir frá þeirri aðgerð. 

• Siggi og Eyþór við vallavinnu 2022
• Siggi og Eyþór við vallavinnu 2022
• Siggi og Eyþór við vallavinnu 2022
•  

Fyrstu Skeiðleikar Baldvins og Þorvaldar og Skeiðfélagsins fara fram á morgun, miðvikudagskvöldið 18.maí, og hefjast klukkan 19:30. Skeiðleikarnir marka þá einnig upphaf WR íþróttamót Sleipnis sem framundan er á Brávöllum frá fimmtudegi til sunnudags.

Baldvin og Þorvaldur styrkir Skeiðfélagið veglega eins og mörg undanfarinn ár og eiga eigendur hestavöruversluninnar þau Guðmundur og Ragna miklar þakkir skyldar.

Margir af fljótustu skeiðhestum landsins eru skráðir til leiks og eftirvæntingin mikil fyrir því hvernig þeir koma undan þjálfun vetrarins. Mótið verður í beinni útsendingu á www.alendis.tv.

Þá mun stigahæsti knapi ársins hljóta farandbikarinn „Öderinn“ sem gefinn er af Gunnari Arnarsyni og Kristbjörgu Eyvindsdóttur til minningar um Einar Öder Magnússon.

Dagskrá

250 metra skeið
150 metra skeið
100 metra flugskeið

Read more: 1.skeiðleikar Baldvins og Þorvaldar - Skeiðfélagsins