Félagsheimili Sleipnis - Hliðskjálf

Húsið er til að afnota fyrir nefndir og viðburði félagsins og til útleigu til einkanota.
Afar huggulegur salur sem hentar vel fyrir fundi, námskeið og margskonar fagnað s.s. afmæli, starfsmannaskemmtanir, skírnar-, fermingar-, og útskriftarveislur, brúðkaup og hverskyns mannamót.
Borð, stólar og borðbúnaður fyrir allt að 80 manns.
Leyfi er fyrir 100 manns í standandi veislu.
Gott framreiðslueldhús með öllum helstu áhöldum og tækjum.
Hægt er að leigja dúka og aðgang að risaskjá aukalega.

ATH - Leigutaki þarf að hafa náð 26 ára aldri.
Fyrir nánari upplýsingar og bókanir, þar sem fram kemur aldur umsækjanda og fyrirhugaður viðburður, sendist formann húsnefndar - Netfang: husnefnd@sleipnir.is

Húsnefnd 2025
Bryndís Guðmundsdóttir – Formaður, s. 6166181
Birna Rán Magnúsdóttir
Sunna Sigurðardóttir

Sjá má bókunarstöðu félagsheimilis HÉR.

Reiðhöllin:

Stjórn Sleipnishallarinnar ehf

Innkoma í reiðhöll:

Gengið er inn að austanverðu   um gönguhurð - rafrænn lykill opnar inn. 

Notkunarreglur Reiðhallar:

Almennar reglur Sleipnishallarinnar

Reiðhöllin er til afnota fyrir skuldlausa Sleipnisfélaga með áskriftaraðgengi. Handhafar árs- og mánaðarkorta hafa aðgang að reiðhöllinni þegar hún er ekki í annarri notkun. Miðað er við að reiðhöllinn sé almennt í notkun frá kl. 06:00 – 24:00. Þeir sem hafa keypt einkatíma í reiðhöllinni hafa hana einir til umráða.

Á heimasíðu Sleipnis (sjá www.sleipnir.is) má sjá tímaskipulag reiðhallarinnar.

HÉR má sjá bókunarstöðu reiðhallarinnar.

HÉR má fá nánari upplýsingar um aðgang og sölu aðgangslykla.

Tengiliður vegna reiðhallarinnar er - Sigurvaldi R. Hafsteinsson. Netfang: sleipnir@sleipnir.is / sími 897 – 1299.

Í fylgd með fullorðnum Sleipnisfélaga með aðgengi að reiðhöllinni mega börn/unglingar 16 ára og yngri nota reiðhöllina endurgjaldslaust

Hundar mega ekki vera lausir í höllinni.

Reykingar eru bannaðar.

Henda skal rusli í ruslafötur, hreinsa upp skít og ætíð ganga vel um.

Gestir skulu sýna knöpum og hestum tillitsemi og gæta fyllsta öryggis.

Reglur reiðvallarins

• Fara skal inn í höllina með hesta að austanverðu um gönguhurð á miðjum gafli. Opna skal hurðina varlega og láta vita af sér áður en farið er inn á völlinn.
• Á reiðvellinum er hjálmaskylda.
• Mikilvægt er að halda gólfinu hreinu og hirða upp skít jafnóðum.
• Knapar eru í reiðhöllinni á eigin ábyrgð.
• Fara skal á bak inni á vellinum en ekki á sporaslóðinni. Ef knapi þarf að stoppa skal það gert inni á vellinum.
• Knapar skulu eftir fremsta megni leitast við að ríða á skilgreindum reiðleiðum vallarins.
• Knapar sýni hver öðrum tillitsemi og gæti fyllsta öryggis.
• Á reiðvellinum er hægri umferð. Sá sem ríður á hægri hönd víkur inn ef hann mætir knapa sem ríður á vinstri hönd og öfugt.
• Hestar skulu vera undir stjórn á reiðvellinum en lendi knapi í erfiðleikum með hest sinn sinn skulu aðrir taka tillit til þess.
• Á vellinum skal ríkja vinnufriður – reiðvöllurinn er til að þjálfa hesta.

• Ef taka á myndir/myndbönd skal láta aðra knapa vita og fá samþykki þeirra.
• Þeir sem hringteyma skulu hafa gott vald á hesti sínum og passa að hann fari ekki of nærri eða inn á sporaslóðina. Einnig skal passa að ofnota ekki hljóðmerki og/eða keyri séu aðrir að þjálfa nálægt.
• Ætíð skal ganga frá búnaði, þjálfunarslám, keilum o.s.frv sé það notað við kennslu/þjálfun.
• Hámarksfjöldi hesta / knapa á reiðgólfi er 7.