Mennta og menningarmálaráðuneytið hefur gefið út tilkynningu með upplýsingum um tilhögun skóla-, frístunda- og íþróttastarfs barna og ungmenna eftir 4. maí. Þar segir að æfingar og keppnir í skipulögðu íþróttastarfi barna og ungmenna yngri en 16 ára séu heimilar án áhorfenda eða fullorðinna gesta eftir 4. maí bæði utan og innanhúss en 2ja metra fjarlægðarreglan enn í gildi. sjá nánar á vef stjórnarráðsins.
Fjöldatakmarkanir barna falla úr gildi en færast úr 20 í 50 manns fyrir fullorðna. Mest mega 7 fullorðnir æfa saman úti við en 4 fullorðnir innanhúss og getum við því opnað Sleipnishöllina á ný með þeirri takmörkun, þ.e. mest mega vera 4 inni í einu og þurfa þeir að gæta 2ja metra reglunnar auk handþvottar og sprittunar eins og áður, sjá nánar auglýsingu um takmörkun á samkomum vegna farsóttar á vef stjórnartíðinda.
Munið að þessar breytingar taka ekki gildi fyrr en eftir 4. maí.
