Allra síðustu sætin í Reiðmannsnámið eru laus í hópnum sem fer af stað á Selfossi næsta haust. Reiðkennarinn Hanna Rún Ingibergsdóttir mun halda utan um hópinn næsta vetur, en námið skiptist í átta verklegar helgar í bland við bóklega kennslu á netinu og þá bæði verkleg og bóklega verkefnavinnu.
Um er að ræða samfellt nám þar sem hver og einn nemandi fær að vinna með sinn eigin hest í hópi aðila sem allir brenna fyrir reiðmennskunni á einn eða annan hátt og undir leiðsögn reiðkennara.
Reiðmaðurinn er nám sem er því ætlað fróðleiksfúsum reiðmönnum og áhugafólki um reiðmennsku sem vill auka við þekkingu sína og færni í reiðmennsku, hrossarækt og almennu hestahaldi en ekki síður fyrir þá reiðmenn sem vilja fara í þá vinnu að eflast sem manneskjur. Námið er byggt upp á námi í reiðmennsku og er megináherslan lögð á reiðmennskuna, en einnig er um að ræða almennt nám þar sem fjallað er m.a. um sögu og þróun hestsins, fóðrun hans, frjósemi og kynbætur.
Allar nánari upplýsingar má finna á vefsíðu Endurmenntunar LbhÍ:https://endurmenntun.lbhi.is/reidmadurinn/
- Beint inn á heimasíðuna: https://endurmenntun.lbhi.is/reidmadurinn/
- Beint inn á kráningar: https://ugla.lbhi.is/umsoknir/serumsoknir/index.php?type=reidmenn
- Facebook: https://www.facebook.com/namskeid
