Á vef heilbrigðisráðuneytis var rétt í þessu birt frétt þar sem fram kemur að heilbrigðisráðherra hefur ákveðið að framlengja gildandi reglugerðir um takmarkanir á samkomum og skólastarfi óbreyttar til 9. desember næstkomandi.

Þetta er gert í samræmi við tillögu sóttvarnalæknis sem ræður gegn því að slaka á sóttvörnum í augnablikinu vegna þróunar faraldursins síðustu daga. Áður hafði verið vonast til þess að einhverjar tilslakanir yrðu gerðar 2. desember nk.

Í frétt ráðuneytisins kemur fram að í ljósi fjölgunar smita og hópsýkinga, ásamt því að fjöldi þeirra sem greinast utan sóttkvíar stefnir í línulegan vöxt og hugsanlega veldisvöxt, þá sé tillaga sóttvarnalæknis að engar breytingar verði gerðar á gildandi sóttvarnaráðsstöfunum, þ.e. takmörkunum á samkomum og skólastarfi næstu eina til tvær vikur.

Read more: Covid fréttir- takmarkanir á samkomum og skólastarfi óbreyttar til 9. desember næstkomandi.

Sóttvarnarreglur fyrir hestaíþróttir hafa verið uppfærðar til samræmis við reglugerð sem gildir frá 18. nóvember til 1. desember 2020.

Æfingar fullorðinna í reiðhöllum verða áfram óheimilar og því ber að hafa félagsreiðhallir lokaðar fyrir almennri notkun. Skipulagðar æfingar barna á grunnskólaaldri fæddum 2005 og síðar eru heimilar.

Reglugerðina má sjá hér: 

Eins og félagsmönnum er kunnugt var það mikil lyftistöng fyrir félagið að eignast sína reiðhöll. Það hefur gert félagsmönnum auðveldara með að stunda sína hestamennsku mun meira allt árið um kring og hefur það svo sannarlega sýnt sig með vaxandi lífi í hverfinu t.d. á haustin og innan félagsins, auk þess sem hægt hefur verið bæði að halda ýmiskonar námskeið innanhúss og hafa aðstöðu fyrir skóla eins og Hestabraut FSU og Reiðmanninn hjá LBHÍ.
Það var því mikill missir þegar loka þurfti Reiðhöll Sleipnis frá og með 3. nóv. vegna sóttvarnarreglna í landinu.
Sleipnir er íþróttafélag innan ÍSÍ og starfar því samkvæmt tilmælum frá LH og ÍSÍ að öllu leyti. Þó reiðhöllin sé í eigu hestamannafélagsins en ekki sveitarfélagsins þá ber hestamannafélaginu skylda að fylgja þeim reglum sem settar eru hjá þessum samböndum varðandi ýmis mál, þar með talið settar reglur frá ríkisstjórn.
Stjórn Sleipnis ákvað því strax að vinna með í þessu fordæmalausa máli og sína þannig samstöðu, frekar en að eiga í hættu á því að fá lengri lokun eða kæru fyrir að fylgja ekki settum reglum.

Read more: Fréttatilkynning varðandi Reiðhöll Sleipnis

Í haust hafa ýmsar framkvæmdir átt sér stað á félagssvæðinu.

Við erum að gera upp sjoppuna og stendur til að ljúka þeirri vinnu fyrir áramótin. Sjoppan var lagfærð að utanverðu í sumar fyrir Íslandsmót barna og unglinga en nú hafa þak, gluggar, gólf og veggir verið endurnýjað. Það verður gaman að vígja nýja sjoppu á næsta viðburði á Brávöllum sem verður vonandi snemma á næsta ári. 

Viðbygging reiðhallar hefur verið lokað fyrir veðri að mestu, nýlega var efni bætt í gólfið, hurðir settar upp og gengið frá flasningum en til stendur að setja upp glugga á austurgaflinn fljótlega. Hriggerðið er nú inni í viðbyggingunni tilbúið til notkunar þar. Eftir stendur að tengja inngang viðbyggingar við lyklakerfi sem mun bæta aðkomuna með því að ekki þarf lengur að halda hurð opinni meðan farið er inn og út úr höllinni. 

Vinna við nýtt anddyri inn í reiðhöllina að norðanverðu er hafin, sökklar hafa verið steyptir og stendur til að steypa plötu, reisa grind og loka byggingunni fyrir veturinn. Það verður mikill munur að ganga um aðal innganginn á viðburðum eftir þessar breytingar.

Read more: Framkvæmdir á Sleipnis svæði

Félagsmálaráðuneytið hefur opnað fyrir umsóknir á íþrótta- og tómstundastyrkjum fyrir börn sem koma frá tekjulágum heimilum.  

„Covid-19 faraldurinn hefur haft gríðarleg áhrif á allt íþrótta- og tómstundastarf í landinu. Þegar þrengir að fjárhag fjölskyldna er mikil hætta á að þær dragi úr þátttöku barna í íþrótta- og tómstundastarfi," segir Ásmundur Einar Daðason, félags- og barnamálaráðherra.

Félagsmálaráðuneytið hefur nú opnað fyrir umsóknir á sérstökum íþrótta- og tómstundastyrkjum fyrir börn sem búa á tekjulægri heimilum. Markmiðið með þeim er að jafna tækifæri barnanna til þátttöku í skipulögðu íþrótta- og tómstundastarfi.

Styrkirnir koma til viðbótar hefðbundnum íþrótta- og tómstundastyrkjum sveitarfélaga. Alls verður um 900 milljónum króna varið í verkefnið árin 2020 og 2021.

Ásmundur kynnti aðgerðina í vor og er hún hluti af aðgerðapakka sem ætlað er að veita mótvægi vegna þeirra áhrifa sem COVID-19 faraldurinn hefur haft á afkomu efnaminni heimila í landinu. Í framhaldinu verður ráðist í vitundavakningu á því í samstarfi við menntamálaráðuneytið, sveitarfélög, ÍSÍ og UMFÍ.

Ráðuneytið hefur jafnframt búið til myndbönd á níu mismunandi tungumálum þar sem styrkirnir og fyrirkomulag þeirra er kynnt. 

Haft er eftir Ásmundi Einari í tilkynningu frá ráðuneytinu að sérstaklega þrengi að hjá tekjulægri fjölskyldum. Rannsóknir sýni að íþróttir og frístundir hafi forvarnargildi og því sé gríðarlega mikilvægt að allt sé gert til að koma í veg fyrir brottfall hjá krökkum í íþróttum og tómstundum vegna faraldursins.

Svona er sótt um styrk

Read more: Nýir styrkir fyrir börn og ungt fólk í íþrótta- og æskulýðstarfi

Kæru félagsmenn.

Fræðuslunefndin er bjartsýn og vongóð um að samkomutakmörk / sóttvarnarreglur verði rýmkaðar 17. nóvember. Við höfum fengið Hrafnhildi Helgu Guðmundsdóttur til að halda námskeið og kenna vinnu í hendi. Hún hefur haldið þessi námskeið í bænum og hefur verið mikil ánægja með þau. Farið verður í hvernig hægt er að notast við vinnu í hendi til að hjálpa hestinum að skilja grunnábendingar og ná betri stjórn á yfirlínu og andlegu og líkamlegur jafnvægi. Grundvöllur árangurs er að hesturinn sé sáttu og skilji ábendingar knapans, hvort sem það er frá jörðu eða á baki. Einnig verður farið í grunnatriði í hringteyminginum og hvernig hægt er að nota það sem viðbót við fjölbreytta þjálfun til byggja upp réttu vöðvana í hestinum. 

Read more: Námskeið- Vinna í hendi

Námskeiðið Vinna í hendi verður ekki haldið vegna sóttvarnatakmarkana. 

Bestu kveðjur,
Fræðslunefnd