Skeiðleikar Baldvins og Þorvaldar 2 – Ráslistar

Aðrir Skeiðleikar Baldvins og Þorvaldar og Skeiðfélagsins árið 2021 fara fram á Brávöllum á Selfossi miðvikudagskvöldið 23.júní og hefjast þeir klukkan 20:00.

Hestavöruverslunin Baldvin og Þorvaldur gefa alla verðlaunagripi á Skeiðleikum auk þess að veita stigahæsta knapa sumarsins 100.000 króna gjafaúttekt í verslun sinni. Auk þess hlýtur stigahæsti knapi farandbikarinn Öderinn sem er gefinn af Gunnari og Kristbjörgu í Auðsholtshjáleigu.

Skeiðleikarnir eru í beinni á www.alendis.tv

Dagskrá

250 metra skeið
150 metra skeið
100 metra flugskeið

Rásraðir og knapar:

Read more: Skeiðleikar Baldvins og Þorvaldar 2 – Ráslistar

Enn eiga 54 fullorðnir félagsmenn  og 8 ungmenni ( kröfur koma í heimabanka forráðamanna ) ógreidd félagsgjöld ársins 2021. 

Skorað er á félagsmenn að gera skil hið fyrsta eða í síðasta lagi um næstu mánaðamót. 
06.júlí nk. munu þeir sem enn eiga ógreidd félagsgjöld vera teknir af félagsskrá Sleipnis, reiðhallalyklum og aðgangi að WF lokað.

Við minnum á að mannvirki félagsins og vellir eru eingöngu til afnota fyrir félagsmenn í Sleipni.

Stjórnin.

Kæru félagsmenn, við blásum til félagsfundar á hótel Selfossi næstkomandi fimmtudag, 24. júní kl. 20. Fundarefnið er staða skipulagsmála félagsins. Athugið að hér er um afar mikilvægt málefni að ræða sem snertir okkur öll, reiðvegamál og framtíðarsvæði félagsins.

Stjórn og Skipulagsnefnd Sleipnis

Nú þegar sumarið lætur sjá sig er gott að koma hrossunum í útiverustund yfir daginn, við erum svo lánsöm að hafa góð græn svæði til umráða hjá okkur hér í Sleipni. Viðrunarhólfin eru ætluð til útiveru hrossa yfir daginn, ekki er leyfilegt að hafa hross í hólfunum yfir nótt.

Þeir félagsmenn sem hafa áhuga á að leigja sér viðrunarhólf er bent á að sækja um á vefsíðu félagsins.

Viðrunarhólfanefnd mun úthluta hólfum fram í miðjan september í ár.

Reglur um viðrunarhólf og notkun þeirra má nálgast hér

Verð fyrir hvert hólf er 10.000kr. frá miðjum júní og fram í miðjan september, hólfin leigjast eitt tímabil í senn. Leigjendur hólfa legga sjálfir til rafstöðvar, batterí/ rafgeymir á eigin kostnað.

Eingöngu skuldlausir félagsmenn fá hólf.

Nauðsynlegt er að fram komi Fullt nafn, kennitala, farsímanúmer og húsnúmer hesthúss, einnig er gott að vita hversu lengi viðkomandi ætlar sér að nýta hólfið og hvar/ef viðkomandi hefur verið með hólf áður.

Hvert hesthús/eining getur sótt um eitt hólf.

ATH! Óheimilt er að setja upp beitarhólf á svæði Sleipnis nema í samráði við Viðrunarhólfanefnd.

Viðrunarhólfanefnd er með netfangið vidrunarholf@sleipnir.is og er hægt að senda fyrirspurnir þangað.

kveðja
Viðrunarhólfanefnd Sleipnis.

Skeiðleikar 2 árið 2021 fara fram miðvikudagskvöldið 23.júní á Brávöllum á Selfossi. 

Skeiðleikarnir eru með hefðbundnu sniði en byrjað er á 250 metra skeiði og endað á 100 metra skeiði.

Skráning er nú opin á Sportfeng þar sem velja þarf Skeiðfélagið sem mótshaldara en henni lýkur á miðnætti mánudaginn 21.júní
Skeiðfélagið hvetur alla knapa til að taka þátt enda til mikils að vinna – 100.000 króna gjafaúttekt í Baldvin og Þorvaldi fyrir heildarsigurvegara og farandbikarinn Öderinn veittur stigahæsta knapa.

Skeiðfélagið

Léttur jakki, blár í félagslitnum, kemur í dömu og herra sniði, merktur með Sleipnis logo á brjósti og B&Þ á ermi.   Verð 12.000  -  Greiðist við pöntun. 

Hægt að panta til kl 18 mánudaginn 7. júní

Opið gæðingamót Sleipnis fer fram á Brávöllum á Selfossi helgina 26.-27. Júní, mótið átti upprunalega að fara fram í byrjun júní en var frestað sökum þátttökuleysis.

Keppt verður í hefðbundnum greinum gæðingakeppninnar auk gæðingatölts. Skráning er hafin og fer fram á Sportfeng. 

Góð þátttaka hefur oft verið í gæðingakeppni Sleipnis og er það mikill heiður fyrir eigendur hrossa og knapa að standa efst í sínum flokki. Gæðingamótsnefnd skorar á félagsmenn Sleipnis og aðra þá sem áhuga hafa á að taka þátt.

Skráning er í fullum gangi en henni lýkur þriðjudagskvöldið 22.júní

Gæðingamótsnefnd