LH stendur fyrir námskeiði fyrir þuli sem stýra keppni á mótum. Námskeiðið verður haldið í TM-reiðhöllinni í Víðidal sunnudaginn 24. apríl kl. 11-16.

Kennari á námskeiðinu er Sigrún Sigurðardóttir en hún er ein af okkar reyndustu þulum.

Boðið verður upp á tveggja tíma fyrirlestur í veislusal reiðhallarinnar og svo er verkleg kennsla í reiðhöllinni þar sem nemendur fá að stýra knöpum í reið.

Við hvetjum hestamannafélög til að senda fulltrúa úr sínum röðum á námskeiðið  og við hvetjum karla jafnt sem konur til að mæta.

Takmarkaður fjöldi, verð kr. 5000.

Skráning hér.

Landsmót hestamanna hafa í áranna rás verið borin uppi af óeigingjörnu framlagi sjálfboðaliða úr hestamannafélögum landsins. Sami eldmóður og hugsjón einkenna starfið í dag og í upphafi og margir sjálfboðaliðar gefa vinnu sína ár eftir ár. Gífurlegur undirbúningur liggur að baki þess að skipuleggja Landsmót og til að mæta kröfum nútímans um aðbúnað og skipulag reisum við heilt þorp fyrir allt að 15.000 manns. Þitt framlag er því gríðarlega mikilvægt og skiptir höfuðmáli til að gera umgjörð mótsins sem glæsilegasta.

Sjálfboðavinna á Landsmóti er góður vettvangur fyrir þá sem vilja kynnast öðru áhugafólki um hestamennsku og við vonum að sjálfboðaliðarnir okkar upplifi mótið sem skemmtilega og gagnlega lífsreynslu. Við kunnum sannarlega að meta framlag þitt og vonum að það geri gott Landsmót enn betra. Velkomin til starfa á Landsmóti 2022!

Read more: Sjálfboðaliðar   KOMDU Á LANDSMÓT HESTAMANNA 2022 OG TAKTU VIRKAN ÞÁTT Í ÆVINTÝRINU!

Pollaflokkur

Aþena Anna Halldórsdóttir og Þrymur frá Reykjaborg jarðskjóttur 20v.
Kári Örn Óskarsson og Hanna frá Galtastöðum móálótt 5v.
Sóley Lindsey Aitken Sævarsdóttir og Svalur frá Arabæ brúnn 15v.
Elsa Guðbjörg Árnadóttir og Taktur frá Skíðbakka brúnn 28v.
Hugrún Edda Ingadóttir og Keilir grár 15v.
Laufey Dóra Friðbergsdóttir og Snillingur frá Enni
Ólivía Ósk Gunnarsdóttir og Fenrir frá Bár móálóttur.

Unghrossaflokkur

1. Stjarna frá Hólaborg og Ingimar Baldvinsson
2. Neisti frá Selfossi og Davíð Bragason

Barnaflokkur

1. Tvistur frá Efra-Seli og Elsa Kristín Grétarsdóttir  8,07
2. Torfhildur frá haga og Kristín María Kristjánsdóttir 7,92
3. Lykill frá Þjórsárnesi og Hugrún Svala Guðjónsdóttir 7,76
4. Hrói frá Þorlákshöfn og Gabríela Máney Gunnarsdóttir 7,36
Stigahæsti knapi vetrarins er Elsa Kristín Grétarsdóttir með 26 stig

Read more: Úrslit þriðja og síðasta vetrarmóts Sleipnis 2022

Sunnudaginn næsta, ( 10 apríl) verður opinn gluggi á Ingólfshvoli til æfinga þar sem keppendum er frjálst að koma á staðinn og æfa sig. Höllin verður opinn keppendum milli kl 14:00 og 17:00. 
Æfingartímarnir verða ásamt opna flokknum í boði Sleipnis Hestaflutninga. 

Við þökkum þeim kærlega fyrir stuðninginn!

Sigvaldi Lárus Guðmundsson, hestamaður og reiðkennari ætlar að vera með sýnikennslu í Reiðhöllinni í Sleipni. Sigvaldi ætlar að fjalla um sýnar hugmyndir sem snúa að hestamennskunni, tamningu, þjálfun og reiðmennsku. Við fáum að kynnast hans nálgun við tamningu og þjálfun ungra hesta og ekki síður knapa með virðingu og traust að leiðarljósi.

Sigvaldi er útskrifaður Reiðkennari frá Háskólanum á Hólum, starfaði sem reiðkennari á Hólum og við Landbúnaðarháskólann á Hvanneyri, kenndi Reiðmanninn og er nú yfirreiðkennari Hæfileikamótunar LH fyrir krakka á aldrinum 14-17 ára ásamt því að hafa tamið og þjálfað víða til margra ára.

Léttleiki, virðing og traust.

Sýnikennsla hefst klukkan 19:30, aðgangseyri eru litlar 1500.kr
Frítt fyrir börn 12 ára og yngri.

Hlökkum til að sjá sem flesta!

- Fræðslunefnd Sleipnis-

Opið Páskatölt Sleipnis verður haldið á Ingólfshvoli þann 13. apríl n.k. kl 18:00 eftir tveggja ára hlé.

Keppt verður í 3 flokkum í tölti og einnig verður boðið uppá skeið í gegnum höllina ef þátttaka næst. Vegna ákveðins tímaramma sem við höfum verða sett fjöldatakmörk á flokkana.

Flokkarnir sem keppt verður í eru:

1. Tölt T7 17 ára og yngri max 20 kepp,
2. Tölt T3 Ungmennaflokkur max 20 kepp,
3. Tölt T7 áhugamannaflokkur max 20 kepp, 
4. Tölt T3 Opinn flokkur max 30 kepp, 
5. Flugskeið, max 20 kepp. 

Skráning  er hafin og fer fram á Sportfeng og stendur yfir til miðnættis 10.apríl n.k. 

Skráningargjöld:

1. Í flokki 17 ára og yngri 2000kr.
2. Ungmennaflokkur 3500kr.
3. Áhugamannaflokkur 3500kr.
4. Opinn flokkur 3500kr.
5. Flugskeið 2000kr.

Ef fólk kýs að greiða með millifærslu verður að senda kvittun á vetrarmot@sleipnir.is til þess að  skráning  verði og sé gild. 
Einnig má senda spurningar á þetta netfang ef eitthvað brennur á vörum fólks varðandi mótið.

Vetrarmótanefnd.