Íþrótta- og Ólympíusamband Íslands

Til sambandsaðila ÍSÍ

Reykjavik, 21. desember 2021

Ný reglugerð heilbrigðisráðherra tekur gildi þann 23. desember og eftirfarandi eru helstu atriði er snerta íþróttahreyfinguna: 

• Almennar fjöldatakmarkanir fara úr 50 í 20 manns og telja börn með í þeim fjölda.
• Nándarregla verður aftur 2 metrar nema á meðal gesta á sitjandi viðburðum, þar verður nándarregla 1 metri. Börn fædd 2016 og síðar eru undanþegin nándarreglunni.
• Grímuskylda gildir þar sem ekki er hægt að viðhafa 2 metra regluna en börn fædd 2016 og síðar eru undanþegin grímuskyldu.
• Íþróttaæfingar og keppnir barna og fullorðinna eru heimilar fyrir allt að 50 manns.
• Sótthreinsa skal snertifleti og sameiginleg áhöld milli hópa og lofta skal vel út.
• Allt að 200 manns geta verið í áhorfendastúkum að uppfylltum ákveðnum skilyrðum sem m.a. fela í sér notkun hraðprófa.
• Allt að 50 manns geta verið í hverju hólfi í áhorfendasvæðum þar sem hraðpróf eru ekki nýtt en þó að uppfylltum ákveðnum skilyrðum (sjá reglugerð).
• Sundstaðir, líkamsræktarstöðvar og skíðasvæði geta tekið á móti allt að 50% af leyfilegum hámarksfjölda gesta. Börn telja ekki með í þeim fjölda.

Til upplýsingar:

Frétt á vef heilbrigðisráðuneytisins.
Reglugerð heilbrigðisráðherra birt þann 21.desember.
Minnisblað sóttvarnalæknis frá 20. desember.

Þann 2. október var haldin árshátíð félagsins með pompi og prakt í Hvíta húsinu á Selfossi. Fjöldi knapa var verðlaunaður fyrir afrek ársins eins og sjá má í meðfylgjandi myndaalbúmi. 
Sigursteinn Sumarliðason átti gott ár og er hann fyrstur til að vinna bæði Sleipnisbikarinn fyrir sigur í A flokki og Klárhestabikarinn fyrir sigur í B flokki.
Védís Huld hlaut æskulýðsbikar Sleipnis, hún er íslandsmeistari í fimmgangi unglinga og gæðingaskeiði auk þess að vera samanlagður sigurvegari í unglingaflokki.
Glódís Rún Sigurðardóttir er íþróttaknapi Sleipnis og knapi ársins hjá Sleipni. Glódís er íslandsmeistari í fjórgangi, slaktaumatölti og samanlögðum fjórgangsgreinum auk titils í 150m skeiði. 
Haukur Baldvinsson varð Íslandsmeistari í samanlögðum fimmgangsgreinum 2021. 

Við erum afar stolt af okkar afreksfólki og óskum þeim til hamingju með glæsilegan árangur ársins.

• Viðurkenningar 2021
• Félagi ársins 2021 Linda Björgvinsdóttir
• Félagi ársins 2021 Linda Björgvinsdóttir
• Skeið 100m
• Skeið 150m
• 250 m Skeið
• Ræktunarbikar Sleipnis
• Efsti hestur A flokks
• Efsti hestur A flokks
• Efsti hestur B flokks
• Gæðingaknapi ársins
• Æskulýðsbikar Sleipnis
• Æskulýðsbikar Sleipnis
• Íþróttaknapi ársins hjá Sleipnis
• Íþróttaknapi ársins hjá Sleipni
• Knapi Ársins hjá Sleipni
• Íslandsmeistari í samanlögðum fimmgangsgreinum
• Íslandsmeistari í samanlögðum fimmgangsgreinum
• Linda Björgvinsdóttir og Sigríður formaður
•  

• Árshátíð Sleipnis 2021
•  

Íþrótta- og Ólympíusamband Íslands

Til sambandsaðila ÍSÍ

Reykjavik, 21. desember 2021

Ný reglugerð heilbrigðisráðherra tekur gildi þann 23. desember og eftirfarandi eru helstu atriði er snerta íþróttahreyfinguna: 

• Almennar fjöldatakmarkanir fara úr 50 í 20 manns og telja börn með í þeim fjölda.
• Nándarregla verður aftur 2 metrar nema á meðal gesta á sitjandi viðburðum, þar verður nándarregla 1 metri. Börn fædd 2016 og síðar eru undanþegin nándarreglunni.
• Grímuskylda gildir þar sem ekki er hægt að viðhafa 2 metra regluna en börn fædd 2016 og síðar eru undanþegin grímuskyldu.
• Íþróttaæfingar og keppnir barna og fullorðinna eru heimilar fyrir allt að 50 manns.
• Sótthreinsa skal snertifleti og sameiginleg áhöld milli hópa og lofta skal vel út.
• Allt að 200 manns geta verið í áhorfendastúkum að uppfylltum ákveðnum skilyrðum sem m.a. fela í sér notkun hraðprófa.
• Allt að 50 manns geta verið í hverju hólfi í áhorfendasvæðum þar sem hraðpróf eru ekki nýtt en þó að uppfylltum ákveðnum skilyrðum (sjá reglugerð).
• Sundstaðir, líkamsræktarstöðvar og skíðasvæði geta tekið á móti allt að 50% af leyfilegum hámarksfjölda gesta. Börn telja ekki með í þeim fjölda.

Til upplýsingar:

Frétt á vef heilbrigðisráðuneytisins.
Reglugerð heilbrigðisráðherra birt þann 21.desember.
Minnisblað sóttvarnalæknis frá 20. desember.

Á formannafundi LH í gær hlaut Sleipnir hinn eftirsótta æskulýðsbikar landssambandsins fyrir öflugt æskulýðsstarf. Við þökkum okkar frábæru æskulýðsnefnd fyrir glæsilegan árangur. Barna og unglingastarf félagsins er grundvöllur framtíðar og er æskulýðsnefndin afar mikilvæg félaginu.

Þess má einnig geta að félagið endurnýjaði titil sinn sem fyrirmyndarfélag ÍSÍ og Íþrótta- og Ólympíusamband Íslands, var sú viðurkenning einnig veitt félaginu á fundinum.

• Æskukýðsbikar LH 2021
• Fyrirmyndarfélag ÍSÍ 2021
•  

Hér kemur ræða formanns LH, Guðna Halldórssonar, frá afhendingu æskulýðsbikarsins:

"Ágætu fundarmenn

Þessi eftirsótti bikar sem hér stendur er afhentur því félagi sem skara hefur þótt fram úr í æskulýðsstarfi á árinu og hefur verið afhentur frá því 1996. Þetta er ein sú æðsta viðurkenning sem hægt er að hlotnast fyrir æskulýðsstarf félaganna og metnaðarfullt æskulýðsstarf skiptir gríðarlegu fyrir framtíð félaganna. Ef ekki er hlúið að æsku félaganna verða engir eftir til að halda við grasrót félaganna né til að heiðra þá sem rutt hafa brautina þegar fram líða stundir. Nefndin heldur því staðfastlega fram að æskulýðsstarfið sé mikilvægasta starf hvers félags.

Æskulýðsnefnd Landssambandsins velur handahafa bikarsins úr þeim skýrslum sem berast og í ár voru skýrslurnar 12 talsins. Skemmtilegar aflestrar og allflestar vel uppsettar með ljósmyndum úr starfinu. Nefndin hefði gjarnan viljað sjá skýrslur frá fleiri félögum því jafnan hafa félögin verið dugleg að skila inn skýrslum en vill þó þakka öllum þeim félögum sem skiluðu inn skýrslu í ár því eins og allir vita hefur starf félaganna verið litað af heimsfaraldri síðustu tvö ár. Það er ánægjulegt að sjá að félögin eru byrjuð að stíga skref í þá átt að líta á sig semíþróttafélög og bjóða upp á markvissar æfingar, líkt og gert er í öðrum íþróttagreinum. Nefndin telur það skref í rétta átt fyrir íþróttina og að með það að leiðarljósi muni greinin vaxa og dafna í framtíðinni.Það félag sem æskulýðsnefndin valdi sem handhafa æskulýðsbikarsins árið 2021 hefur lagt mikinn metnað í starf sitt og afar ánægjulegt að sjá hvað þau hafa náð að afreka mikið, sérstaklega þegar horft er til þess ástands sem ríkt hefur síðasta starfsár. Félagið er með elstu félögum landsins og hefur verið með mjög virkt starf til margra ár sem sést vel þegar horft er til árangurs ungra félagsmanna á keppnisvellinumen félagið á meðal annars fulltrúa í U21 árs landsliðinu. Félagið telur ríflega 600 félagsmenn og var stofnað 1929. Þau sendu inn vandaða 16blaðsíðna skýrslu sem er fallega uppsett.  Vel gert!

Þau hafa verið duglega að skila inn æskulýðsskýrslum í gegnum árin. Á síðasta starfsári buðu þau upp á fjölbreytta dagskrá fyrir alla aldurshópa og byrjuð starfið sitt strax á haustmánuðum og er starfið þeirra orðið heilsvetrarstarf. Auk ýmissa reiðnámskeiða buðu þau upp á reiðtygjaþrif, hestanuddnámskeið, spilakvöld, teymdu undir krökkum á 17. Júní, plokkuðu rusl af reiðvegum næst félagins sínu á plokkdeginum og fóru í hestaferð. Einnig fóru þau af stað með félagshesthús í samstarfi við sveitafélagið sitt og voru í samstarfi við framhaldsskóla um reiðkennslu með nemendum á hestabraut. 

Handhafi Æskulýðsbikars Landssambands hestamannafélaga er Hestamannafélagið Sleipnir á Selfossi og vil ég biðja Lindu Björgvinsdóttur að veita bikarnum viðtöku en hún hefur starfað í Æskulýðsnefnd félagsins í fjögur ár og þar af sem formaður í þrjú ár. Til gamans má geta að Linda var valin félagi ársins 2021 hjá Sleipni fyrir mikil og óeigingjörn störf í þágu æskulýðsmála félagsins.

Til hamingju Sleipnir! "

Vegna sóttvarna verður stefnumótunar-fundinum sem átti að halda 23. nóvember, frestað þar til fleiri en 50 mega koma saman aftur.

Formenn nefnda munu funda með stjórn 30. nóvember til að fara yfir málin og móta dagskrá næsta árs.

Skipulagsmálin eru að komast á skrið og verður auglýst eftir aðila til að vinna ramma og deiliskipulag fyrir svæðið okkar með skipulagsnefnd Sleipnis. Skipulagsnefnd hefur sent skipulags og bygginganefnd Árborgar, athugasemd vegna breytingar á deiliskipulagi til að bæta við innkeyrslu að lóð Húsasmiðju við Larsenstræti frá Gaulverjabæjarvegi.

Auglýst var eftir tilboðum í að ljúka við klæðningu á félagsheimili og barst eitt tilboð sem var tekið og hefst sú vinna nú í desember að öllu óbreyttu.

Reiðhallar gólfið hefur verið lagað reglulega þar sem vökvunarstútar leka og þurfum við að láta vita í netfangið sleipnir@sleipnir.is ef stútar leka.

Þegar gólfið verður of blautt á kafla höfum við verið að moka blautu efni yfir á þurr svæði og þurru efni í staðinn, við getum öll hjálpast að við þetta verkefni meðan félagið hefur ekki starfsmann.

Vökvunarstútar sem stíflast eða fara að leka eru lagfærðir þegar tæki til að lyfta fólki í rétta hæð eru til staðar, sjálfboðaliðar eru alltaf velkomnir, látið vita í netfangið sleipnir@sleipnir.is ef þið viljið aðstoða í reiðhöllinni.

Nýlega var fundað með Vegagerðinni vegna frágangs eftir breikkun og lagfæringar á Gaulverjabæjarvegi. Vegagerðin mun fara yfir málið með verktaka, bæði lagfæringar á tengingu reiðvegar eftir hækkun á heimreið Dísastaða og ástand reiðvegar eftir framkvæmdirnar. Vegagerðin skoðar einnig leiðir til að bæta öryggi þar sem reiðvegurinn sveigir að akvegi rétt áður en komið er að fyrrnefndri heimreið. 

Fyrirhugað er að funda sérstaklega vegna vegtengingar Suðurhólavegs inn á Gaulverjabæjarveg og möguleika á tilfærslu reiðvegar meðfram Gaulverjabæjarvegi þannig að lágmarks fjarlægð frá akvegi náist.

Laugardaginn 23. október var reiðhöllin þrifin og mættu 7 félagsmenn til leiks með frekar stuttum fyrirvara, hér koma nokkrar myndir frá verkefninu.

Siggi og Anna í Sunnuhvoli mættu með vélakost(skotbómulyftara) til að ná til hæstu staða  en ekki náðist að þrífa allt loftið í þetta sinn.

Við stefnum á að setja þetta varkefni á dagskrá félagsins á hverju hausti.

• Þrifnaðardagur í Sleipnishöllinni 23.okt. 21
• Loftið fyrir og eftir
• Formaður var á háþrýstitækinu
• Siggi lyftir Önnu í hæðir
• Guðlaug Bára mundar kústinn
•  

Sunnudagana 14 nóv, 28 nóv. 5 des og 12 desember kl.12:00-13:30. ætlar Sleipnir að bjóða upp á Pollanámskeið í félagshesthúsi sínu. Pollanámskeiðið er ætlað börnum á aldrinum 3-7 ára og foreldrum þeirra og gefast þeim þar kostur á að eiga frábæra fjölskyldustund og kynnast hestunum, kemba þeim og fara á hestbak. 

Einnig verður boðið upp á piparkökur og kakó, ásamt því að hægt verður að lita hestamyndir og fá létta fræðslu um hestinn okkar og fylgihluti hans. Námskeiðið er 1,5 klst hvert skipti og kostar námskeiðið 15.000 kr.

Skráning fer fram inn á arborg.is- mínar síður og árborg valið sem félag og svo námskeiðið pollahelgar.

Allar nánari upplýsingar um Pollahelgarnar veitir Linda Björgvinsdóttir, formaður Æskulýðsnefndar Sleipnis. E-mail: aeskulydsnefnd@sleipnir.is eða í síma 898-9592