Námskeiðið Vinna í hendi verður ekki haldið vegna sóttvarnatakmarkana. 

Bestu kveðjur,
Fræðslunefnd

Samkvæmt tilkynningu frá ÍSÍ eiga allar reiðhallir að vera lokaðar til 17. nóvember

Tilmæli frá sóttvarnayfirvöldum vísa til að einungis sé heimilt að stunda einstaklingsbundnar æfingar án snertingar utanhúss og mikilvægt að enginn túlki reglur með þeim hætti að hann sé undanþeginn.

Við fylgjum þessum tilmælum og lokum reiðhöll Sleipnis hér með til 17. nóvember. 

Sóttvarnarreglur fyrir hestaíþróttir hafa verið uppfærðar til samræmis við reglugerð sem gildir frá 18. nóvember til 1. desember 2020.

Æfingar fullorðinna í reiðhöllum verða áfram óheimilar og því ber að hafa félagsreiðhallir lokaðar fyrir almennri notkun. Skipulagðar æfingar barna á grunnskólaaldri fæddum 2005 og síðar eru heimilar.

Reglugerðina má sjá hér: 

Á morgun, laugardag,verður Sleipnishöllinni lokað vegna boðaðs vinnudags við höllina.
Það eru nokkur lítil verk sem þarf að koma í verk, til dæmis.

Skipta um ljósaperur í sal. Stjórnin er  búinn að fá lánaðan lyftara með körfu í það verk.
Setja flasningar í gaflglugga nýhbyggingar og ganga frá festingum samlokueininga við sökkul og festa upp flasningar á einingar.

Setja upp stíur þegar búið er að leggja út sand í fordyri ( búið er að leggja út sand í helming nýbyggingarinnar).

Það eru einnig fleiri  lítil verk, sem munu bíða nema því fleiri geti mætt.
Sökklar að bíslaginu norðan við höllina voru steyptir í gær, fimmtudag, gott ef hægt væri að slá utan af þeim nú á laugardaginn.

Stjórn reiðhallarinnar óskar eftir sjálfboðaliðum til að taka til hendinni þennan dag ýmislegt sem þarf að gera.
Við getum skipt okkur upp í td. þrjá vinnuhópa ( 2-4 í hverjum ) og allar sóttvarnarreglur verða í hávegum hafðar. 

Nú er vetur að ganga í garð og nauðsynlegt að loka nýbyggingunni og gera þannig úr garði að við getum farið að hafa not af henni.

Við áætlum að hittast í reiðhöllinni kl.09.30

Kveðjur, stjórn Reiðhallarinnar.

Í haust hafa ýmsar framkvæmdir átt sér stað á félagssvæðinu.

Við erum að gera upp sjoppuna og stendur til að ljúka þeirri vinnu fyrir áramótin. Sjoppan var lagfærð að utanverðu í sumar fyrir Íslandsmót barna og unglinga en nú hafa þak, gluggar, gólf og veggir verið endurnýjað. Það verður gaman að vígja nýja sjoppu á næsta viðburði á Brávöllum sem verður vonandi snemma á næsta ári. 

Viðbygging reiðhallar hefur verið lokað fyrir veðri að mestu, nýlega var efni bætt í gólfið, hurðir settar upp og gengið frá flasningum en til stendur að setja upp glugga á austurgaflinn fljótlega. Hriggerðið er nú inni í viðbyggingunni tilbúið til notkunar þar. Eftir stendur að tengja inngang viðbyggingar við lyklakerfi sem mun bæta aðkomuna með því að ekki þarf lengur að halda hurð opinni meðan farið er inn og út úr höllinni. 

Vinna við nýtt anddyri inn í reiðhöllina að norðanverðu er hafin, sökklar hafa verið steyptir og stendur til að steypa plötu, reisa grind og loka byggingunni fyrir veturinn. Það verður mikill munur að ganga um aðal innganginn á viðburðum eftir þessar breytingar.

Read more: Framkvæmdir á Sleipnis svæði

Kæru félagsmenn.

Fræðuslunefndin er bjartsýn og vongóð um að samkomutakmörk / sóttvarnarreglur verði rýmkaðar 17. nóvember. Við höfum fengið Hrafnhildi Helgu Guðmundsdóttur til að halda námskeið og kenna vinnu í hendi. Hún hefur haldið þessi námskeið í bænum og hefur verið mikil ánægja með þau. Farið verður í hvernig hægt er að notast við vinnu í hendi til að hjálpa hestinum að skilja grunnábendingar og ná betri stjórn á yfirlínu og andlegu og líkamlegur jafnvægi. Grundvöllur árangurs er að hesturinn sé sáttu og skilji ábendingar knapans, hvort sem það er frá jörðu eða á baki. Einnig verður farið í grunnatriði í hringteyminginum og hvernig hægt er að nota það sem viðbót við fjölbreytta þjálfun til byggja upp réttu vöðvana í hestinum. 

Read more: Námskeið- Vinna í hendi