Vallanefnd hefur ákveðið að hringvellirnir á Brávöllum, keppnis og upphitunar, verði opnir til æfinga á morgun, 26.maí, frá kl. 07.00- 18:00. Skeiðbraut er lokuð frá og með kvöldinu í kvöld. Að öðru leiti gildir fyrri auglýsing um lokun brauta meðan á WR Íþróttamóti Sleipnis stendur.

Vallanefnd / Stjórn

 Miðvikudaginn 28.apríl sl. fór fram verðlaunaafhending í Hliðskjálf fyrir verðlauna / afreksknapa Sleipnis 2020.  Vegna hinna sérstöku aðstæna var hópurinn fámennur en að sama skapi góðmennur.  Formaður Sleipnis ásamt stjórnarmönnum / konum veittu eftirtöldum verðlaun og viðurkenningar.

Knapi ársins og íþróttaknapi ársins 2020 var Ragnhildur Haraldsdóttir. Ragnhildur náði góðum árangri á Váki frá Vatnsenda og Úlfi frá Mosfellsbæ. Hún varð Reykjavíkurmeistari í fjórgangi og stendur efst á stöðulista ársins í þeirri grein. Ragnhildur var jafnframt valin íþróttaknapi ársins 2020 af LH. 

Gæðingaknapi ársins 2020 var Olil Amble. Olil hlaut æst hæstu einkunn ársins í B-flokki á landinu, 8,66 á Glampa frá Ketilsstöðum sem stóð efstur í B-flokki á gæðingamóti Sleipnis og er skjaldarhafi. 

Efsti hestur A-flokks og nýr skjaldarhafi 2020 var Heimir frá Flugumýri með einkunnina 8,49 í forkeppni og 8,54 í úrslitum. Heimir er undan Herjólfi frá Ragnheiðarstöðum og Hendingu frá Flugumýri en knapi er Sigursteinn Sumarliðason. Ræktendur eru Eyrún Anna Sigurðardóttir og Páll Bjarki Pálsson og eignedur þeir Karl Áki, Snorri og Sigurður Dagur, allir Sigurðarsynir.

Read more: Bikarveitingar ársins 2020

Kæru félagar í Sleipni.

Heilbrigðisráðherra hefur gefið út nýja reglugerð sem gildir frá og með 25. maí til og með 16. júní. Með henni eru gerðar verulegar tilslakanir á íþróttastarfi.

Sleipnisfélagar, mótshaldarar og skipuleggjendur viðburða eru hvattir til að kynna sér vandlega gildandi reglugerðir hverju sinni og fylgja þeim í hvívetna.

Helstu breytingar í reglugerð heilbrigðisráðherra sem snerta íþróttastarfið eru eftirfarandi:

Read more: Nýjar sóttvarnarreglur

Laugardaginn 15.maí sl. var hin árlega kvennareið Sleipniskvenna farin.
Hópur fimmtíu Sleipniskvenna lagði af  stað frá Sleipnishöllinni á Brávöllum um kl. 14 ,. Fimmtíu Sleipniskonur riðu sem leið lá niður með Gaulverjabæjarvegi, vestur Votmúlaveg og niður í búrgarðabyggð að Hrafntinna Villa en þar tók hún Hanne Smidesang  á móti hópnum. Vitanlega var áð nokkrum sinnum á leiðinni til hressingar. Góð stund var hjá Hanne og nesti og fleira innbyrt. Riðið var til baka á Brávelli og kl. 19 var uppákoma í reiðhöllinni. Veisluþjónustan kom með grillvagn og grillaði ofan í mannskapinn og stóð gleðin yfir til kl. 23 eins og reglur leyfðu. Hanne og öllum sem að skipulagningu viðburðaris komu eru færðar bestu þakkir.

Hinn árlegi baðtúr Sleipnis var farinn frá Eyrarbakka síðastliðinn laugardag í  Stokkseyrarfjöru með viðkomu á Gamla Hrauni þar sem vel var tekið á móti fámennum en góðmennum hóp reiðmanna, þar  bættist líka  nokkuð í hópinn.

Frá Gamla-Hrauni var riðið áfram að Stokkseyrarfjöru vestan Stokkseyrar þar sem 6 valkyrjur í 3 ættliði með Elínu Ósk á Gamla Hrauni í forystu sundriðu að landi. 

Til að halda uppi merki karlmanna þá sundreið Hilmar frá Smiðshúsum Eyrarbakka einnig. Hann fór einn og sér og skoraði á aðra karlmenn að mæta með sér í sundreið á næsta ári.

Að sundreið lokinni þá var riðið til baka með fjörunni aftur á Eyrarbakka þar sem formlegum baðtúr lauk. Einungis mætti einn frá Selfossi til að taka þátt í þetta sinn, vonandi verða þó fleiri á næsta ári.

Fyrstu skeiðleikar Baldvins og Þorvaldar  2021 fara fram á morgun, miðvikudaginn 26.maí, og hefjast þeir klukkan 19:30. Skeiðleikarnir marka upphaf á alþjóðlegu móti sem framundan er á Selfossi en vænta má dagskrá þess í kvöld.

Dagskrá 19:30 

250 metra skeið
150 metra skeið
100 metra skeið

Read more: Fyrstu skeiðleikar Baldvins og Þorvaldar árið 2021