Í ljósi aðstæðna hefur kynning á sumarferðinni legið í dvala. Nú er bjart framundan og því höfum við ákveðið að hefja skráningu í ferðina. Í maí kemur í ljós hverjar reglurnar um samkomur verða í júní. Hvernig verður með tveggja metra regluna er líklega mesta áskorunin.
Ferðaplanið miðar við að stór hluti gesta gisti í eigin ferðavögnum og margir í sér herbergjum.
Reiðleiðin er eins og áður var áætlað, brottför frá Gaddstaðaflötum föstudaginn 12. júní og stefnan sett austur í Landeyjar um nýja Oddabrú. Þar verður gist á hestabúgarðinum Ármóti í tvær nætur. Laugardag og sunnudag verður riðið um Vestur- og Austur Landeyjar ca. 25 km á dag á góðum reiðgötum.
Áætlaður kostnaður er 30. þúsund. Miðað við gistingu í eigin vagni eða dýnu á gólfi,
eða 50 þúsund í uppábúnu rúmi í herbergi. Kostnaður getur þó breyst eitthvað út frá því hver þáttakan verður. Flutningur á hrossum er utan við þessa upphæð en verður sem sama hætti og áður.
Þessar hugmyndir og skipulag miðast við að ekki verði reglur varðandi fjölda og sóttvarnir hertar aftur áður en til ferðar kemur.
Skráningarform kemur inn á heimasíðu Sleipnis fljótlega.
Ferðanefnd Sleipnis
