Skráning hafin á fjórðu Skeiðleika Baldvins og Þorvaldar.
Skeiðleikar 4 verða haldnir á Brávöllum á Selfossi miðvikudaginn 11.ágúst. Skráning er nú hafin og velja þarf Skeiðfélagið sem mótshaldara inn á Sportfeng. Skráningu lýkur mánudagskvöldið 9.ágúst
Skeiðleikarnir eru með hefðbundnu sniði en byrjað er á 250 metra skeiði, þá keppt í 150 metra skeiði og endað á 100 metra skeiði.
Skeiðfélagið hvetur alla knapa til að taka þátt enda til mikils að vinna – 100.000 króna gjafaúttekt í Baldvin og Þorvaldi fyrir heildarsigurvegara og farandbikarinn Öderinn veittur stigahæsta knapa.
