Reiðskóli Sleipnis sumarið 2017

Reiðnámskeið Sleipnis 
Reiðnámskeið Sleipnis verður haldið í Vallartröð 4 á Selfossi í sumar. Umsjónarmaður er Oddný Lára Guðnadóttir. Oddný er menntaður hestafræðingur og leiðbeinandi frá Háskólanum á Hólum í Hjaltadal og hefur haldið allmörg reiðnámskeið með góðum árangri í gegnum árin. Skráning er hafin í síma 8479834 eða á oddnylara(hja)floaskoli.is einnig er til síða á Facebook sem heitir einfaldlega Reiðskóli Sleipnis endilega læka hana þar koma fram allar upplýsingar og myndir af námskeiðum.

Börn læra grunnatriði í hestamennsku, stjórnun og ásetu. Farið verður í útreiðartúra ásamt uppákomum í reiðhöll. Innifalið í verði er aðgangur að hesti, reiðtygjum og hjálmi. Öll börn frá viðurkenningarskjal með mynd af sér og hestinum í lok námskeiðis.