Lokað íþróttamót Sleipnis

Íþróttamót Sleipnis verður haldið helgina 22.-24.maí. Stjórn og mótanefnd Sleipnis hefur ákveðið að um lokað íþróttamót verður að ræða og því eingöngu fyrir félaga í Hestamannafélaginu Sleipni að því undanskyldu að tölt (T1) meistaraflokki verður opið en þó með 30 keppenda hámarksfjölda. Miðað er við að tölt meistara fari fram seinni part laugardagsins 23.maí.

Stjórn og íþróttamótsnefnd Sleipnis hvetur félaga sína eindregið til þess að taka þátt í íþróttamótinu enda er boðið upp á fjölbreyttar keppnisgreinar íþróttakeppninnar

Skráning er opin frá og með deginum í dag en henni lýkur á miðnætti mánudaginn 18.maí. 

Skráning fer fram í gegnum Sportfeng.

Skráningargjald er 5000 krónur í hverja keppnisgrein nema í tölt meistaraflokki þar sem þátttökugjaldið er 7000 krónur.

Mótanefnd Sleipnis áskilur sér rétt til þess að fella niður og/eða sameina flokka ef næg þátttaka næst ekki

Hér fyrir neðan eru þær keppnisgreinar og flokkar sem boðið er uppá.