Forsíða

Sleipnisjakkarnir komnir

Önnur pöntun af Sleipnisjökkunum er komin í hús. Hægt er að nálgast pantanir í verlun Badvins og Þorvaldar á opnunartímum.

Ferðanefndin boðar til þorrareiðar og -blóts laugardaginn 17 febrúar. Riðið verður frá reiðhöllinni á Selfossi um klukkan 14:00 og farin hæfileg vegaleng á þessum árstíma. Boðið verður upp á léttar veitingar á sannsgjörnu verði í reiðinni.
Um og upp úr klukkan 17:00 verður síðan þorra blótað í félagsheimilinu Hliðskjálf.
Miðasala í matinn verður í forsölu hjá Baldvin og Þorvaldi frá 26 janúar til 2 febrúar. Verði verður stillt í hóf að venju og ekki verður selt í matinn á staðnum.

Ferðanefndin

Afrekshópur LH

Búið er að setja á laggirnar afrekshóp LH sem er einskonar unglinga og ungmennalandslið. Sleipnir á þrjá fulltrúa í þeim hópi af sextán, þetta eru Atli Freyr Maríönnuson, Glódís Rún Sigurðardóttir og Gyða Sveinbjörg Kristinsdóttir ásamt liðsstjóranum Arnari Bjarka Sigurðssyni. Linkur a frétt:

http://www.lhhestar.is/is/moya/news/afrekshopur-lh-2018

Aðalfundur 2017

Aðalfundur Hestamannafélagsins Sleipnis 2017 verður haldinn miðvikudaginn 24.janúar í Hliðskjálf kl.20:00

Dagskrá aðalfundar Hestamannafélagsins Sleipnis í Hliðskjálf 24 jan 2018.

Setning aðalfundar; formaður
Skipan fundarstjóra og fundarritara
Skýrsla formanns.
Skýrsla gjaldkera.
Umræður og afgreiðsla um skýrslur formanns og gjaldkera.
Fundarhlé Aðalfundur Sleipnishallarinnar ehf. Formaður kynnir reikninga.
Kaffihlé
Úthlutun afreks og styrktarsjóðs frá Sveitarfélaginu Árborg
Skýrslur nefnda, Reiðveganefnd, Æskulýðsnefnd og Bygginganefnd Sleipnishallar.
Kosning formanns, stjórnarmanna og starfsnefnda Sleipnis.
Önnur mál
Fundarslit

Síðustu forvöð að panta sér jakka

Síðustu forvöð að panta merkta jakka í félagslit er í dag og á morgun, laugardaginn 20.jan.
Dömu og herra snið. Stærðir frá S-XXL dömu og S-3XL herra.

Alltaf eitthvað að gerast.

Föstudaginn 19. janúar kl. 20, annað kvöld, verður Kristín Lárusdóttir reiðkennari með meiru með sýnikennslu í reiðhöllinni á Brávöllum. Kristín er menntaður reiðkennari frá Hólum og fyrrverandi heimsmeistari í tölti. Aðgangeyrir er 500kr og boðið verður uppá kaffi.

Hvetjum alla hestamenn að mæta og sjá hvernig Kristín hagar sinni þjálfun.
Fræðslunefnd

Járninganámskeið

Laugardaginn 27. janúar verður járninganámskeið haldið í Austurási. Kennari verður Erlendur Árnason eða Elli eins og hann er kallaður. Nemendur mæta með hross til að járna og helstu járningaáhöld. Hægt verður að fá lánað ef einhver áhöld vantar. Námskeiðið hefst kl 10 með sýnikennslu og eftir hádegishlé járnar hver og einn sinn hest og fær leiðsögn. Áætlað er að námskeiðinu ljúki um kl 16. Þetta kostar litlar 18.000.- krónur og inní gjaldinu er hádegisverður og einn gangur af skeifum. Vinsamlega leggja inná reikning 0152-26-100174 kt 590583-0309 og senda kvittun á gjaldkeri@sleipnir.is Setja járn.nám í skýringu.
Það er takmarkaður fjöldi þátttakenda á þetta námskeið svo um að gera að skrá sig sem fyrst.
Sportfengur er ekki að virka sem skyldi þannig að skraning fer fram í gegnum netfangið fraedslunefnd2018@gmail.com Þar þarf að koma fram nafn, gsm númer og tölvupóstur.

Fræðslunefnd

Jakkar í Sleipnislitnum

Jakkar í Sleipnislitnum- Byrjað er að safna í nýja pöntun á jökkum. Pantanir þurfa að vera komnar inn fyrir 20.janúar nk.
Dömu og herra snið. Stærðir frá S-XXL dömu og S-3XL herra.